رووداو دیجیتاڵ
ئێوارەی ئەمڕۆ سێشەممە 19ی ئادار، بەهۆی بۆردوومانی فڕۆکە جەنگییەکانی تورکیاوە لە لۆفەکانی کورتەک، سەر بە شارۆچکەی سەنگەسەر لە بناری چیای قەندیل، کارەبای نیشتمانیی گوندەکانی بناری چیای قەندیل پچڕا و رێگەکەش زیانی زۆری بەرکەوتووە.
نەهرۆ عەبدوڵڵا، بەڕێوەبەری شارۆچکەی سەنگەسەر بە تۆڕی میدیایی رووداوی راگەیاند، نزیک کاژێر 06:00ی ئێوارەی ئەمڕۆ سێشەممە 19-03-2024، فڕۆکە جەنگییەکانی تورکیا بۆردوومانی رێگەی سەرەکیی گوندەکانی بناری چیای قەندیلیان کردووە.
بەهۆی بۆردوومانەکەوە، بە گوتەی بەڕێوەبەری شارۆچکەی سەنگەسەر، جگە لە زیانی مادی، خراپبوونی رێگەکە و دروستکردنی ترس و دڵەراوکێ بۆ گوندنشینان، کارەبای نیشتمانیی گوندەکان زیانی بەرکەوتووە و تائێستا نەتواندراوە چاکبکرێتەوە.
نەهرۆ عەبدوڵڵا ئەوەشی خستەڕوو، لە ئەنجامی بۆردوومانەکە زیانی گیانی نەبووە، ئەو شوێنەشی بۆردوومان کراوە، رێگەیەکی سەرەکیی هاتووچۆی دانیشتووانی گوندەکانی بناری چیای قەندیلە بۆ قەزای پشدەر و ئیدارەی راپەڕین.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ