هەڵەیەک روویدا! دووبارە هەوڵبدە
رووداو دیجیتاڵ
ئەو کەسەی دوو رۆژ لەمەوبەر لەسەر کێشەیەکی کۆمەڵایەتی دەستڕێژی لە مامی کرد و کوشتی، ئەمڕۆ خۆی رادەستی پۆلیس کرد.
ئەحمەد رەمەزان، گوتەبێژی پۆلیسی زاخۆ ئەمڕۆ (چوارشەممە، 19ـی شوباتی 2025) بە تۆڕی میدیایی رووداوی راگەیاند "ئەو تۆمەتبارەی پێش دوو شەو لە سەنتەری ئیدارەی زاخۆ تاوانی کوشتنی کرد، خۆی رادەستی پۆلیس کرد."
گوتەبێژی پۆلیسی زاخۆ گوتی، "تۆمەتبار ناوی (س. س. د.)ـە و تەمەنی 24 ساڵە، لەبەردەم دادگە دانی بە تاوانەکەی دا ناوە."
تۆمەتبار بەپێی مادەی 405 لە یاسای سزادانی عێراقی دۆسییەی بۆ کراوەتەوە و لێکۆڵینەوەی لەگەڵ دا دەکرێت.
مادەی 405 تایبەتە بە کوشتنی بەئەنقەست، بەپێی یاساکە "هەرکەسێک بەئەنقەست کەسێکی کوشت، بە زیندانیکردنی کاتی یان هەتاهەتایی سزا دەدرێت."
رۆژی 17ـی شوباتی 2025، نزیکەی کاژێر 08:00ـی شەو، لە سەنتەری زاخۆ لە نزیک چوارڕییانی بارزان، لەسەر کێشەی کۆمەڵایەتی و زەویوزار ئەو کەسە مامی خۆی کوشتبوو.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ