برۆکسل لەڕێگەی پاسکیلەوە قەرەباڵخی کەمدەکاتەوە و...

گالەری

برۆکسل لەڕێگەی پاسکیلەوە قەرەباڵخی کەمدەکاتەوە و ژینگە دەپارێزێت

18-04-2025

22 Photos

سۆران بەهائەددین

رووداو دیجیتاڵ

لە برۆکسلی پایتەختی بەلجیکا بەکارھێنانی پاسکیل بەشێوەیەکی بەرچاو زیادبووە، ئەمەش ھاوکاتە لەگەڵ ھەوڵەکانی حکومەت بۆ ھاندانی شێوازی ژیانی تەندروست و کەمکردنەوەی قەرەباڵغی ھاتووچۆ، هەموو ئەو هەوڵانە بۆ ئەوەیە وڵاتەکە ببێتە نموونەیەک بۆ دۆستی ژینگە.

بەپێی داتاکانی ئۆفیسی ئاماری بەلجیکا، رێژەی بەکارھێنانی پاسکیل بۆ گەشتە رۆژانەکان لە برۆکسل لە ماوەی 13 ساڵدا لە 8% بۆ 15% بەرزبووەتەوە.

درێژیی کۆی رێڕەوەکانی پاسکیل لە شارەکەدا گەیشتووەتە 350 کیلۆمەتر، ئەوەش دەرفەتی زیاتری بۆ پاسکیلسواران رەخساندووە تاوەکو بە ئاسانی بە شارەکەدا بگەڕێن.

بە پێی راپۆرتێکی (Traffic Observatory of the Brussels-Capital Region) ژمارەی رووداوەکانی پەیوەست بە پاسکیلسواری بە رێژەی 10% کەمی کردووە، ئەوەش بەھۆی باشترکردنی رێگاوبانەکان و زیادکردنی ھۆشیاری سەبارەت بە سەلامەتی پاسکیلسواری.

حکومەتی بەلجیکا پلانی باشترکردنی هاتووچۆی پاسکیلی داناوە، لەوانە دروستکردنی رێڕەوی نوێی تایبەت بە پاسکیل، باشترکردنی رووناکی و زیادکردنی شوێنی وەستانی پاسکیل.