رووداو دیجیتاڵ
پۆلیسی ئاکرێ رایگەیاند، لە کەمپی ماملیان لە سنووری بەڕێوەبەرایەتییەکەیان، ژنێک لەلایەن هاوژینەکەیەوە "خنکێندراوە".
موقەدەم عیماد حوسێن، گوتەبێژی پۆلیسی ئاکرێ، بە تۆڕی میدیایی رووداوی گوت "رووداوەکە ئەمڕۆ (سێشەممە، 18-3-2025) لە سنووری ناحیەی گردەسێن روویداوە و هێزەکانمان توانیان دەستبەجێ تۆمەتبار دەستگیربکەن".
بەگوتەی گوتەبێژی پۆلیسی ئاکرێ، ئەو ژنەی خنکێندراوە ناوی (ل. م. ی.)ـە و تەمەنی 29 ساڵە.
گوتیشی: "تۆمەتبارەکە هاوژینەکەیەتی بەناوی (ئـ. ح. ع.) و تەمەنی 37 ساڵە."
تەرمی قوربانییەکە رەوانەی دادپزیشکیی دهۆک کراوە و پۆلیسی ئاکرێ پەڕاوی لێکۆڵینەوەی بۆ تۆمەتبارەکە کردووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ