رووداو- هەولێر
ئێوارەی رۆژی یەکشەممە 16-7-2017، دوو تەقینەوە لە باشووری رۆژهەڵاتی بەغدا روویاندا، بەهۆیەوە سێ کوژرا و پێنج برینداری لێکەوتەوە.
سەرچاوەیەک لە وەزارەتی ناوخۆی عێراق، بە تۆڕی میدیایی رووداوی راگەیاند، لە بازاڕێکی میللی ناوچەی ئەمانە لە رۆژهەڵاتی شاری بەغدا بۆمبێکی چێندراو تەقیەوە و لە ئەنجامدا دووکەس کوژران و سێ کەسی دیکەش برینداربوون.
سەرچاوەکە ئاماژەی بەوەکرد، هاوکات لە بازاڕێکی میللی ناوچەی نەهرەوان لە باشووری رۆژهەڵاتی بەغدا بۆمبێکی دیکەی چێندراو تەقیەوە و لە ئەنجامدا کەسێک کوژراو و دووی دیکە برینداربوون.
لە دوای ساڵی 2003ـەوە، عێراق بە گشتی و شاری بەغدا بە تایبەتی رۆژانە کردەوەی تووندوتیژی بەخۆوەدەبینێت، بەهۆیەوە رۆژانە دەیان کەس دەبنە قوربانی، بۆیە وەک رێککارێکی ئەمنی چەندین شەقام و ناوچە داخراون.
داڕشتنەوە؛ راوچی حەسەن
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ