وەکو نەریتی ساڵانە، هاونیشتمانییانی هەولێر بۆ یادکردنەوەی ئەو رۆژە لەبەردەم قەڵا و بازاڕی هەولێر کۆبوونەوە، بە بەخشینی شیرینی و گوتنەوەی سروودی ئایینی رۆژەکەیان بەڕێکرد. 

 

رێوڕەسمە جەماوەرییەکە بەیانیی ئەمڕۆ بەڕێوەچوو، هەر لە رێوەڕەسمەکەدا، پشتیوان سادق، وەزیری ئەوقاف و کاروباری ئایینیی هەرێمی کوردستان گوتارێکی پێشکێشکرد و رایگەیاند، ''کوردستان و هەولێر بەتایبەتی، شوێنی پێکەوەژیانی ئایینی و نەتەوەکانە.''