رووداو دیجیتاڵ
بەگوێرەی داتای وەزارەتی پەروەردەی هەرێمی كوردستان، لە كابینەی نۆیەمی حكومەتی هەرێمی كوردستاندا 1850 قوتابخانە و باخچەی منداڵان نۆژەنكراونەتەوە.
بەگوێرەی داتاكە، تاوەكو ئەمڕۆ 14ی ئەیلوول، لە كابینەی نۆیەمدا 162 باڵەخانەی نوێی قوتابخانە و ناخچەی منداڵان دروستكراون.
باڵەخانەكان زۆرینەیان لەسەر بودجەی حكومەتی هەرێمی كوردستان دروستكراون، كە 62 باڵەخانەن، هەروەها لەسەر ئەركی خێرخوازان 50 باڵەخانە، وەربەرهێنان 26 باڵەخانە و لەسەر ئەركی رێكخراوەكانیش 24 باڵەخانە دروستكراون.
ئەوەش لە كاتێكدایە، بەگوێرەی وەزارەتی پەروەردەی هەرێمی كوردستان، 25ی ئەم مانگە خوێندن لە قوتابخانەكانی هەرێمی كوردستان دەستپێدەكات.
بە باڵەخانە نوێیەکان و زیادکردنی ژوورەکانەوە، بەراورد بە پار، ئەم ساڵ شوێنی 100 هەزار قوتابی زیاتر ئامادە کراوە. ئەمەش بە گوێرەی راگەیێندراوێکی وەزارەتی پەروەردەی هەرێمی کوردستان.
13ـی ئەیلوولی 2023، ساڵی خوێندنی 2023-2024 لە هەرێمی کوردستان دەستیپێکرد. بە گوێرەی ئامارەکانی وەزارەتی پەروەردە، ملیۆنێک و 633 هەزار و 125 قوتابی لە هەرێمی کوردستاندا لەو ساڵەدا خوێندوویانە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ