رووداو دیجیتاڵ
لە رووداوێکی هاتووچۆدا لەنێو شاری هەڵەبجە، دوو کەس گیانیان لەدەستدا و چواری دیکەش بریندار بوون.
ئاکام محەممەد، گوتەبێژی پۆلیسی هەڵەبجە، ئەمڕۆ سێشەممە بە تۆڕی میدیایی رووداوی گوت: "رووداوەکە لەنێوان پێنج ئۆتۆمبێلدا روویداوە لە بەرامبەر نەخۆشخانەی منداڵ بوون، لە ئەنجامدا دوو کەس گیانیان لەدەستداوە و چواری دیکەش بریندارن".
رووداوەکە نزیک کاژێر 03:00ـی بەرەبەیانی ئەمڕۆ روویداوە. ئەو دوو کەسەی گیانیان لەدەستداوە هەردووکیان گەنجن؛ هەر شەش قوربانییەکەش هاونیشتمانیی سنوورەکەن.
بریندارەکان رەوانەی نەخۆشخانە کراون و پۆلیس پەڕاوی لێکۆڵینەوەی بۆ رووداوەکە کردووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ