لە هەولێر پێشانگەی نێودەوڵەتی کتێب دەکرێتەوە

رووداو - هەولێر

ئامادەکارییەکان بۆ کردنەوەی 13ـیەمین پێشانگەی نێودەوڵەتی کتێب لە هەولێر تەواوبوون و پێشانگەکە لە کاژێر 10:00ی سەرلەبەیانی رۆژی 10ی ئەم مانگە دەکرێتەوە.

پێشانگەی نێودەوڵەتی کتێب بۆ ماوەی 10 رۆژ بەردوامدەبێت، تێیدا زیاتر لە 200 دەزگای چاپ و پەخشی کتێب بە هەزاران ناونیشان و بابەت بەشداردەبن. لە 10 وڵاتی عەرەبی، هەروەها ئێران، بەریتانیا، ئەمریکا و تورکیا  نووسەر و دەزگاکانی چاپ و پەخشی کتێب دوایین بەرهەمە چاپکراوەکانیان دەخەنەڕوو.

لە هەرێمی کوردستان ساڵانە بەڕێژەیەکی مامناوەند زیاتر لە هەزار و 500 ژمارەی سپاردن دەدرێتە کتێب بۆ چاپکردن.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger