شاندی پارتی و یەکێتی بۆ سێیەم رۆژی لەسەریەک کۆدەبنەوە

09-01-2025
بەختیار قادر
بەختیار قادر
A+ A-
رووداو دیجیتاڵ

شاندی تەکنیکیی پارتی دیموکراتی کوردستان و یەکێتی نیشتمانی کوردستان، ئەمڕۆ بۆ سێیەم رۆژی لەسەریەک لە هەولێر کۆدەبنەوە.
 
ئامانج لەم زنجیرە کۆبوونەوەیەی هەردوو حیزب کە لە هەڵبژاردنی پەرلەمانی کوردستان دا پارتی 39 کورسی و یەکێتی 23 کورسیی بەدەستهێنا، ئامادەکردنی رەشنووسی پێکهێنانی کابینەی دەیەمە.
 
لیژنەی تەکنیکیی پارتی بەسەرۆکایەتیی پشتیوان سادقە و لە ئەندامیێتی دڵشاد شەهاب و ئومێد سەباحە. شاندی یەکێتیش بەسەرۆکایەتیی رێواز فایەق و ئەندامیێتی هەریەک لە شاڵاو شێخ سەلاح و ئامانج رەحیمە.
 
بەپێی زانیارییەکانی رووداو، لیژنەی تەکنیکیی هەردوولا، دوو رۆژە سەرقاڵی ئامادەکردنی ئەو راسپاردانەن کە لە کۆبوونەوەی پیرمام لە رۆژی 17-12-2024 پێیان سپێردراوە. 
 
سەرچاوەیەکی ئاگادار لە دانوستاندنەکان بە تۆڕی میدیایی رووداوی گوت، "لە گفتوگۆکانی ئەمڕۆدا، دابەشکردنی پۆستە سیادییەکان و چۆنیێتی بەشداریی هەردوولا لە کابینەی داهاتوو دەخرێنەڕوو."
 
چاوەڕوان دەکرێت ئەمڕۆ کارەکانی لیژنەی تەکنیکی تەواو بن و سەرەتای هەفتەی داهاتوو، شاندی دانوستاندنکاری هەردوولا کۆببنەوە بۆ یەکلاییکردنەوەی ئەو خاڵانەی لیژنەی تەکنیکی ئامادەی دەکەن.

 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

ئەو بازاڕەی شارەوانیی کەلار دەڵێت تێکی دەدەن

شارەوانیی کەلار: بازاڕی سەنتەری شار تێکدەدرێ و دووکانداران قەرەبوو دەکرێنەوە

شارەوانیی کەلار 262 دووکانداری بازاڕی سەنتەری شارەکەی ئاگادار کردوونەتەوە، دووکانەکانیان چۆڵبکەن کە بە دووکانی گەنمفرۆشان ناسراون. دووکانداران ناڕازین و دەڵێن، شوێنی نوێ گونجاو نییە بۆ کار. 130 دووکاندار کرێچین و داوا دەکەن بێکار نەکرێن. شارەوانیی کەلار دەڵێت، هیچ دووکاندارێک بێکار ناکرێ و قەرەبوو دەکرێنەوە.