ئاسایشی هەولێر هۆشداری دەداتە ئەوانەی لە گەشتدا ماستەر کارتی خەڵک بەکاردەهێنن

09-01-2025
سۆران حوسێن
A+ A-
رووداو دیجیتاڵ

بەڕێوەبەرایەتیی ئاسایشی گشتیی هەولێر لە راگەیێندراوێکدا دەڵێت، هەر کەسێک گەشت بکات و ڤیزە کارت یان ماستەر کارتی پێ بێت و بەناوی خۆیەوە نەبێت، دەست بەسەر کارتەکەیدا دەگرن.
 
بەڕێوەبەرایەتیی گشتیی ئاسایشی گشتیی هەولێر، لە راگەیێندراوێکدا ئەمڕۆ پێنجشەممە رایگەیاند، ئەو کەسانەی گەشتی دەرەوە دەکەن و ماستەر کارت یان ڤیزە کارتیان هەیە، دەبێت بە ناوی خۆیانەوە بێت، بە پێچەوانەوە دەستی بەسەردا دەگرن و لێپێچینەوەی یاسایی لەگەڵ کەسەکەش دەکرێت.
 
ئاسایشی هەولێر لە راگەیێندراوەکەدا ئاماژەی بەوە کردووە، ئەو هاووڵاتییانەی هەڵگری ژمارەیەکی زۆر لە ڤیزە کارت یان ماستەر کارتن بە ناوی خەڵکی دیکەوە و بە ناوی خۆیانەوە نییە، لە کاتی گەشتکردنیان، دەست بەسەر کارتەکانیاندا دەگیرێت و لێپێچینەوەی یاسایی لەگەڵ خۆیان و ئەو کەسانەشدا دەکرێت کە خاوەنی کارتەکانن.
 
ئاسایش داوا لە هاونیشتمانییان دەکات، ئاگاداری بەڵگەنامە تایبەتییەکانیان بن و رێگە نەدەن خەڵکی دیکە بۆ دروستکردنی هەژماری بانکی و کارتی بانکی بەکاریان بهێنێت بۆ ئەوەی رووبەڕووی لێپێچینەوەی یاسایی نەبنەوە.

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

فڕۆکەخانەی سلێمانی. وێنە: ئەرشیڤ

گوتەبێژەکەی: قوباد تاڵەبانی داوای لە ئەردۆغان کردووە ئاسمانی تورکیا بەڕووی فڕۆکەخانەی سلێمانیدا بکاتەوە

گوتەبێژەکەی رایگەیاند، لەو گرتە ڤیدیۆییەی قوباد تاڵەبانی کە بڵاوبووەتەوە، داوا لە کۆمپانیای تورکش ئێرلاین دەکات بە سەرووی خۆیان بڵێن، ئاسمانی تورکیا بەڕووی "فڕۆکەخانەی سلێمانیدا بکەنەوە." ئاماژە بەوەش کرد، "لە سەردانەکەی ئەردۆغانیش بۆ هەولێر، راستەوخۆ ئەو داوایەی خستووەتە بەردەم سەرۆککۆماری تورکیا."