هەڵەیەک روویدا! دووبارە هەوڵبدە
کاتی نوێژکردن لەسەر تەرمی کوڕ و باوکەکە لە هەولێر.
رووداو دیجیتاڵ
دوای زیاتر لە هەفتەیەک تەرمی ئەو کور و باوکەی لە ماڵەکەیان لە بەریتانیا سووتان گەڕێندرایەوە هەرێمی کوردستان؛ کەسوکار و هاورێیانی دەلێن نیعمەت خۆی ئامادە دەکرد بچێتە ئاهەنگی مارەبرینی یەکێک لە هاورێکانی، بەڵام لە ناکاو ئاگر لە نهۆنی دوومی ماڵەکەی بەردەبێت و بەهانای کوڕە تەمەن سێ ساڵانەکەی دەچێت بۆ ئەوەی رزگاری بکات، بەڵام بەهۆی بەهێزیی ئاگرەکە هەردووکیان گیانیان لە دەستدا.
ئارام عەلی، هاورێی نیعمەتە و دەڵێت، "کاتێک ئاگرەکە روویداوە خێزان و دوو منداڵەکەی دیکەی لە نهۆمی خوارەبوونە و خێزانی بانگی نیعمەتی کردووە و ئاگاداری کردووەتەوە، ئەویش چووە منداڵە بچووکەکەی رزگاربکات، خۆی و محەممەدی کوری سووتان."
رووداوەکە کاژێر 4:00ی ئێوارەی رۆژی یەکی ئەم مانگە لە بەریتانیا روویداوە. زیاتر لە هەفتەیەک بەسەر رووداوەکە تێپەر دەبێت، بەڵام تاوەکو ئێستا پۆلیس و بەرگری شارستانی بەریتانیا هۆکاری ئاگرەکەیان بۆ کەسوکارەکەی روون نەکردووەتەوە.
مەسعود لاوە، برای نیعمەت باس لەوە دەکات، "تاوەکو ئێستا هۆکاری ئاگر کەوتنەوە دیارنییە پۆلیس و بەرگریی شارستانی و شارەوانیی شارەکە سەرقاڵی لێکۆڵینەوەن لە رووداوەکە، لەوانەیە ئای پاد یان لاپتۆپێک لەکاتی شەحن کردن تەقیبێت و ئاگرەکە دروست بوبێت."
نیعمەت لاوە تەمەن 51 ساڵ، باوکی 3 منداڵبوو. ماوەی 22 ساڵ بوو لە بەریتانیا لەگەڵ هاوژینی و منداڵەکانی دەژیان. دوای رووداوەکە، تەرمی کوڕ و باوکەکە لە گۆڕستانی گردە رەشە لە هەولێر بەخاک سپێردران.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ