هەڵەیەک روویدا! دووبارە هەوڵبدە
کارگەکەی قەسرۆک.
رووداو دیجیتاڵ
لە کارگەیەکی ناحیەی قەسرۆک لە سنووری پارێزگای دهۆک 15 ژن کاریان دەستکەوتووە. چەند جۆرێکی نان و شیرینی و خواردن بەرهەمدەهێنن.
دێژین محەممەد خێزاندارە و کوڕێکی دوو ساڵانی هەیە. کارکردن لەو شوێنە بۆی بووەتە دەرفەتێک بۆ ئەوەی بژێویی ژیانی خۆی لە رێگەیەوە دابین بکات.
دێژین دەڵێت: "ئێمە وەکو ئافرەتانی قەسرۆک ئەم هەلەمان بۆ رەخساوە. بژێویی خێزانەکەمان دابین دەکەین. بەتایبەت بۆ ئەو ژنانەی لێرە کار دەکەن. ئێمە بێ دەسەڵاتین و هیچ داهاتێکمان نییە. هاتووین لێرە داهاتێکمان هەبێت و هاوکاریی هاوژینەکانمان بکەین. من خۆم کرێدارم."
ژنانی ئەو کارگەیە بەگوێرەی خواستی خەڵک کار دەکەن. لە ناوچە جیاجیاکان خەڵک داوای نان، خواردن و شیرینی دەکەن. ئەوانیش لەسەر داخوازیی ئەوان دروستی دەکەن.
خەولا مزووری، سەرپەرشتیاری کارگەیەیە و دەڵێت: "وەکو چۆن پیاو دەیەوێت کار بکات، ئافرەتی ئێمەش لە قەسرۆک بەهەمان شێوە دەیەوێت کار بکات. دەمانەوێت دەرفەتی زیاتری کارکردن بۆ ئافرەتان هەبن، چونکە دەتوانم پێت بڵێم رۆژانە تەلەفۆنمان بۆ دەکەن و دەیانەوێت لێرە کار بکەن. هەیە شەش ئافرەت لە ماڵەوە بێکارن. پیاویش هەیە ناتوانێت بژێویی مانگانەکەی دابین بکات."
بە هاوکاریی رێکخراوێکی نێودەوڵەتی ئامێر و کەلوپەلی کارکردنیان بۆ دابینکراون. ژنەکان کەرەستەی خاو دەکڕن و پێکەوە کار دەکەن. بەرهەمەکەیان دەفرۆشن و داهاتەکەی بەسەر خۆیاندا دابەش دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ