رووداو - مێردین
پارتی دیموكراتی گه‌لان "هه‌ده‌په" سیاسه‌تڤان و كه‌سایه‌تیی كورد، ئه‌حمه‌د تورك به به‌ربژێری پارته‌كه‌ی بۆ سه‌رۆكایه‌تی گه‌وره شاره‌وانیی مێردین ده‌ستنیشانكرد.
له رێوڕه‌سمێكدا، رۆژی چوارشەمەمە (5-12-2018) له باره‌گای لقی رێكخستنه‌كانی هه‌ده‌په کە له مێردینی باكووری كوردستان به‌ڕێوه‌چوو، ئه‌حمه‌د تورك به به‌ربژێری گه‌وره شاره‌وانی مێردین ده‌ستنیشانكرا.
ئه‌حمه‌د تورك خۆشحاڵی خۆی راگه‌یاند، به‌دووباره پێدانه‌وه‌ی متمانه پێی و رایگه‌یاند "به زۆره‌ملێ قه‌یوومیان به‌سه‌ر گه‌وره شاره‌وانیی مێردین راگه‌یاند و، كه‌سێكی قه‌یوومیان له‌لایه‌ن ئاكپارتییه‌وه دامه‌زراند، ئێستا كاتی هاتووه به ده‌نگ و ئیراده‌ی خه‌ڵك دووباره ئه‌ركه‌كانمان وه‌ربگرینه‌وه و، بچینه خزمه‌تی گه‌ل و جوانترین نموونه پیشانی خه‌ڵك بده‌ین".
له هه‌ڵبژاردنه خۆجێییه‌كانی ساڵی 2014، ئه‌حمه‌د تورك به سه‌رۆكی گه‌وره شاره‌وانیی مێردین هه‌ڵبژێردرا. بەڵام له رۆژی 16-11-2016 به‌فه‌رمانی وه‌زاره‌تی ناوخۆ له‌كارلادرا و كه‌سێكی قه‌یوومیان له شوێنی ئه‌حمه‌د تورك دامه‌زراند.
پێداچوونەوە: هەڵات رێبوار
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ