هەڵەیەک روویدا! دووبارە هەوڵبدە
رووداو دیجیتاڵ
بە فەرمانێکى وەزارى، کەسێک بۆ پۆستى بەڕێوەبەرى رێگەوبانى کەرکووک دیاریکراوە. بە گوتەى ئەندامێکى ئەنجوومەنى پارێزگاى شارەکە، ئەو کەسە "تورکمانى شیعەیە".
فەرمانەکە لە 3ى ئادارى 2025، لەلایەن مەتین چادرچى، بریکارى وەزارەتى ئاوەدانکردنەوە و نیشتەجێکردن و شارەوانى بۆ کاروبارى کارگێڕى دەرکراوە.
لەو بڕیارەدا عەلى ئەکبەر رەزا سەلمان راسپێرداوە بۆ بەڕێوەبردنى بەڕێوەبەرایەتى رێگەوبانى کەرکووک و بڕیارەکە کە فەرمانى وەزارییە، لە رۆژى دەرچوونیەوە جێبەجێ دەکرێت.
6ى ئادارى 2025، عەبدوڵا میروەیس، ئەندامى ئەنجوومەنى پارێزگاى کەرکووک بە تۆڕى میدیایی رووداوى راگەیاند، پێشتر قاسم حەمزە، بەڕێوەبەرى رێگەوبانى کەرکووک بوو کە تورکمانى شیعە بووە و خانەنشین بووە. ئێستا عەلى ئەکبەر رەزا لەجێگەى دانراوە کە ئەویش تورکمانى شیعەیە.
ئەنجامدانى ئەو گۆڕانکارییە کارگێڕییە لە کاتێکدایە بەشێک لە دەسەڵاتى وەزارەتەکان شۆڕکراونەتەوە بۆ حکومەتە خۆجێییەکان، لەوانە گۆڕانکاریى لە بەڕێوەبەرەکاندا.
عەبدوڵڵا میروەریس ئاماژەى بەوەدا، شۆڕکردنەوەى هەندێک لە دەسەڵاتەکان لەلایەن بەشێک لە وەزارەتەکانەوە رێنماییان بۆدەرکراوە و گواستراونەتەوە، لەوانە دەسەڵاتەکانى وەزارەتى کشتوکاڵ، بەڵام هەندێک وەزارەتى دیکە رێنمایی تایبەت بەو پرسەیان دەرنەکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ