رووداو - هەولێر

رێكخراوی "خوێنه‌ری كارا" پێشانگەیەکی كتێبی لە شاری هەولێر کردەوە، كه‌ تێیدا 10 هەزار ناونیشانی کتێب بە زمانەکانی لە‌ كوردی، عه‌ره‌بی و ئینگلیزی نمایشكران.

رێكخراوی  خوێنه‌ری كارا جگه‌ له‌ پێشانگە، ساڵانه‌ چه‌ندی پڕۆژه‌ی خوێندنه‌وه‌ پێشكه‌شی خوێنه‌رانی ده‌كات. ساڵی رابردوو چوار پڕۆژه‌ی به‌ "خوێنه‌ری كارا"ی راگەیاند.

پڕۆژه‌ی خوێنه‌ری كارا-1:

*لەو پڕۆژه‌یەدا‌ 600 خوێنه‌ر به‌شداریان كردووە. به‌ جۆرێك هه‌ر به‌شداربوویەك 40 كتێب بخوێنێته‌وه‌ و له‌ ماوه‌ی 9 مانگدا ته‌واویان بكات و سه‌ر‌نج و تێبینییه‌كانی بگه‌ڕێنێته‌وه‌ بۆ به‌رپرسی پڕۆژه‌كه. كتێبه‌كانیشی به‌ دیاری ده‌بەخشران‌ به‌ خوێنه‌ران. له‌و پڕۆژه‌یه‌ 20،086 كتێب خوێندرانەوە و بەخشران.

پڕۆژه‌ی خوێنه‌ری كارا-2:

لە‌م پڕۆژه‌یه‌ 500 خوێنه‌ر به‌شدارییان كردووە، به‌جۆرێك هه‌ر به‌شداربوویەك 20 کتێب بخوێنێته‌وه‌ و له‌ماوه‌ی 6 مانگ ته‌واویان بكات. 6،792 كتێب خوێندرانه‌وه‌.

پرۆژه‌ی خوێنه‌ری كارا-3:

ئه‌م پڕۆژه‌یه‌ 500 خوێنه‌ر به‌شدارییان تێدا كرد، به‌جۆرێك هه‌ر به‌شداربوویەك 20 كتێب بخوێنێته‌وه‌ له‌ ماوه‌ی شەش مانگدا ته‌واویان بكات. له‌و پڕۆژه‌یه‌ 9،041 كتێب خوێندرانه‌وه.‌

پڕۆژه‌ی خوێنه‌ری كارا-4:

پڕۆژه‌کە 250 خوێنه‌ر به‌شدارییان تێدا كردبوو، به‌جۆرێك هه‌ر به‌شداربوویه‌ك 20 كتێب له‌ ماوه‌ی (6)مانگدا بخوێنێتەوە. له‌و پرۆژه‌یه‌دا 4،547 كتێب خوێندرانه‌وه‌.