رووداو دیجیتاڵ
شاندێکی پارێزگای هەولێر بە سەرۆکایەتیی پارێزگار، سەردانی سعودیە دەکات "ئامانجی سەرەکیی شاندەکە، چارەکردنی گرفتی ئاوی خواردنەوەی هەولێرە بە سوودوەرگرتن لە ئەزموونی ئەو وڵاتە."
رۆژی دووشەممە 03-07-2023 ئومێد خۆشناو، پارێزگاری هەولێر بە تۆڕی میدیایی رووداوی راگەیاند، رۆژی سێشەممە 04-07-2023 شاندێکی پارێزگای هەولێر بە سەرۆکایەتیی پارێزگار و ئەندامێتی جێگری پارێزگار و بەڕێوەبەری ئاو و ئاوەڕۆ، سەردانی ریازی پایتەختی سعودیە دەکەن.
شاندەکەی پارێزگای هەولێر، لەگەڵ وەزیری بازرگانی، وەزیری وەبەرهێنان و ئەمیری ریاز و نوێنەرانی کۆمپانیا سعودییەکان کۆدەبنەوە.
لەبارەی ئەجێندای سەردانەکەیان، ئومێد خۆشناو گوتی: "ئاڵوگۆڕی بازرگانی، وەبەرهێنان و چارەکردنی کێشەی ئاوی خواردنەوەی هەولێر ئامانجی سەردانەکەمان دەبێت."
شاندەکەی پارێزگای هەولێر چوار رۆژ لە سعودیە دەمێننەوە و پارێزگاری هەولێر ئاماژەی بەوەکرد، هانی کۆمپانیا سعودییەکان دەدەن بۆ ئەوەی بۆ وەبەرهێنان بێنە هەولێر و هەرێمی کوردستان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ