رووداو دیجیتاڵ
تەرمی سەرمایەدارێکی لوبنانی لە هۆتێلێکی هەولێر دۆزرایەوە و تائێستا هۆکاری گیانلەدەستدانی لەلایەن هیچ دەزگایەکی فەرمی روون نەکراوەتەوە.
بەپێی زانیارییەکانی تۆڕی میدیایی رووداو، شەوی رابردوو 01-01-2024 لە هۆتێل مەسایای شاری هەولێر، تەرمی تاریق عەماش، سەرمایەداری لوبنانی دۆزراوەتەوە.
تاریق عەماش، سەرمایەدارێکی لوبنانییە و وڵاتینامەی فەرەنسیشی هەیە. لە بنەماڵەی سەعد حەریری، سەرۆکوەزیرانی پێشووی لوبنانە و خاوەنی جێبەجێکاری پرۆژەی گوندی لوبنانی و هۆتێل مەسایایە لە هەولێر.
بەپێی ئەو زانیارییەی لە بەرپرسێکی باڵای پارێزگای هەولێرەوە دەست تۆڕی میدیایی رووداو کەوتووە، "بەپێی لێکۆڵینەوە سەرەتاییەکان، تاریق عەماش، بە جەڵتەی دڵ کۆچی دوایی کردووە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ