رووداو- هەولێر
هونەرمەند ئەحمەد جۆڵا لە کڵینیکی ئەنتیتۆباکۆ واز لە جگەرەکێشان دەهێنێت و چاڵێنجی ئالان حەمە سەعید، وەزیری پەروەردەی حکومەتی هەرێمی کوردستان دەکات بۆ ئەوەی سەردانی کڵینیکەکە بکات و واز لە جگەرەکێشان بهێنێت.
ئەحمەد جۆڵا، ئەکتەری دیاری کورد، بەشداری لە کەمپەینی ئەنتیتۆباکۆی تۆڕی میدیایی رووداو دەکات و لەڕێگەی کڵینیکی ئەنتیتۆباکۆ بۆ وازهێنان لە جگەرەکێشان واز لە جگەرە دەهێنێت و چارەسەر وەردەگرێت، لەکاتی بەشداریکردنی لە بەرنامەی نۆڕین رایگەیاند چالێنجی وەزیری پەروەردە دەکات کە ئەویش واز لە جگەرەکێشان بهێنێت.
ئەنتیتۆباکۆ پرۆژەیەکی تۆڕی میدیایی رووداوە، لە ساڵی یەکەم و دووەمی کەمپەینەکەدا نزیکەی 13 هەزار و پێنج سەد کەس بەشداربوون و وازیان لە جگەرەکێشان هێنا، لە ساڵی سێیەمدا زیاتر لە ١٥ هەزار کەس ناویان تۆمارکردووە و وەک بەشێك لە کەمپەینەکە، ئەمساڵ کڵینیکی ئەنتیتۆباکۆ بۆ وازهێنان لە جگەرەکێشان کرایەوە بەمەبەستی پێشکەشکردنی چارەسەری پزیشكی و دەروونی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ