رووداو - تەندروستی
پسپۆڕێکی دەروونی لە دهۆک رایدەگەیێنێت، رزگاربووان و کەسووکاری ئەنفالکراوان پێویستیان بە 6 مانگ بۆ یەک ساڵ چارەسەری دەروونی هەیە بۆ ئەوەی لە تەنگژەی دەروونیی دوای رووداوەکە رزگارییان بێت.
ئەمڕۆ دووشەممە 14-4-2025 د. عەدنان ئەسعەد، پسپۆڕی دەروونی بە رووداوی راگەیاند، رزگاربووانی ئەنفال پیویستە خۆیان هاوکاربن و ماڵباتەکەشیان پشتگیرییان بکەن لە چارەسەرکردنی دەروونیی دوای رووداوەکە و پێویستیان بە 6 مانگ بۆ یەک ساڵە بۆ ئەوەی لە تەنگژەی دەروونیی دوای رووداوەکە رزگارییان بێت.
د. عەدنان ئەسعەد ئاماژەی بەوە کرد، رزگاربووانی ئەنفال تەنیا تووشی تەنگژەی دەروونی نەبوون بەڵکو گوشاری دەروونی، دڵەڕاوکێی و خەمۆکیش لەنێوییاندا زۆرە.
پسپۆڕە دەروونییەکە جەختیکردەوە کە رزگاربووانی ئەنفال چەندێک پێویستییان بە چارەسەری دەروونی هەیە ئەوەندەش پێویستیان بە پاڵپشتیی کۆمەڵگە، خێزان و هاوڕێ هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ