خانمە گۆرانیبێژی بەریتانی ئەدێل
رووداو - رووداو
خانمە گۆرانیبێژی بەریتانی ئەدێل، نوێترین کلیپی لەژێر ناوی (hello) بڵاوکردەوە، لە ماڵپەڕی یوتوبیشدا كلیپەكەی چركە بە چركە بەشێوەیەكی بەرچاو زیاد دەكات، بەشێوەیەك لە چوار رۆژدا 75 ملیۆن بینەری تێپەڕاندووە.
گۆرانی hello یەکەم گۆرانییە لەماوەی 4 رۆژدا ئەم هەموو بینەرەی هەبێت، پێشبینیش دەكرێت ئەم كلیپە زیاتر لە یەك ملیار جار ببینرێت و بچێتە پاڵ ئەو 5 هونەرمەندەی كلیپەكانیان ملیارێكی تێپەڕاندووە.
ئەدێل لە ساڵی 1988 لە شاری تۆتنھامی وڵاتی بەریتانیا لەدایکبووە، بە گۆرانی Rolling in the Deep کە لە ساڵی 2010 بڵاویکردەوە، نێوبانگێکی زۆری پەیداکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ