رووداو – هەولێر
مادۆنا، ئەستێرەی پۆپی ئەمریکی وێنەیەک لە لاپەڕەی تایبەتی خۆی لە ئینستاگرام بڵاودەکاتەوە، کە تێیدا دوو پیاو دەردەکەون، یەکێکیان موسڵمان و ئەویدیکە جوولەکە، وێنەکەش گوزارشت لە ئاشتەوایی نێوانیان دەکات.
لە وێنەکە بە روونی دیارە، کە ئەم دوو گەنجە هیوا بە ئاشتی و پێکەوەژیان دەخوازن، وێنەکەش زۆر بە روونی باسی ئەو کێشەو ناکۆکییانە دەکات کە ئێستا لە نێوان بەشێکی موسڵمانان و جوولەکەکان هەیە، بە تایبەتی کێشەی نێوان ئیسرائیل و فەلەستین.
لە ماوەی رابردووشدا، هەوادارانی ئەم ئەستێرەیە رەخنەی توندیان لێی گرتووەو هەندێک لە مسوڵمانەکان بە "جوولەکە گەمژەکە" و ئەوانەش کە دژی ئیسلامن بە "تیرۆرست" ناویان بردووە، ئەمەش دوای ئەوە دێت کە چەند جارێک باسی لە چارەسەرکردنی کێشەکانی نێوان ئیسرائیل و فەلەستین کردووە.
مادۆنا لە ساڵی 1958 لە دایکبووە، بەیەکێک لە بەناوبانگترین ئەستێرەکانی جیهان لە میوزیکی پۆپ دادەنرێت، ئەلبومەکانی ملیۆنان کڕیاریان لە جیهاندا هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ