....
رووداو- هەولێر
چەند جارێک دەنگۆی جیابوونەوەی هەردوو ئەکتەری سینەمایی براد پێت و ئەنجلینا جولی بڵاوبووەتەوە، بەڵام دواجار ئەوەی دەبیندرێت ئەوەیە کە تائێستا بەیەکەوەن.
بەم دواییە سەرچاویەکی نزیک لەو دوو هاوژینە بە میدیاکانی ئەمریکای راگەیاندووە، جولی و پێت ئامادەکاری بۆ جیباووەنەوەیان دەکەن.
سەرچاوەکە ئەوەشی ئاشکرا کردووە، لە مانگی شوباتی داهاتوودا ئەو دوو هاوژینە لە یەکتر جیادەبنەوە، بەڵام بەهۆی شەش منداڵەکانیانەوە پەیوەندییەکی باش لە نێوانیاندا دەمێنێت.
تائێستا جولی و پێت هیچ روونکردنەوەیەکیان لەبارەی ئەم بابەتە نەداوە و هەواڵەکەیان رەتنەکردۆتەوە.
ئەنجلینا جولی لە دوایین لێدوانیدا لەبارەی جیابوونەوەیان راگەیاندبوو، لەگەڵ ئەوەی وەک هەر خێزانێکی دیکە ئەوان کێشەیان هەیە، بەڵام بەنیازی جیابوونەوە نین.
ئەنجلینا جولی و براد پێت، دوو ئەکتەری نێوداری سینەمای هۆلیوود و جیهانن و لە چەندین فیلمی سینەماییدا رۆڵی سەرکیان گێڕاوە و بەیەکەوە لە چەند فیلمێکدا رۆڵیان گێڕاوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ