رووداو- سلێمانی
هونەرمەند خالید رەشید سەرقاڵی كلیپكردنی گۆرانییەكی ئەلبوومەكەیەتی و لە داهاتوویەكی نزیكدا بڵاوی دەكاتەوە.
مەریوان ئەحمەد دەرهێنەری كلیپەكە بە (رووداو)ی راگەیاند، گۆرانی بە لەنجە مەیە تێكستی هونەرمەند خالید رەشید و ئەحمەد محەممەدی شاعیرە، ئاوازەكەشی فۆلكلۆرە.
هەروەها گوتی "لەگەڵ هونەرمەند خالید رەشید گفتوگۆمان لەسەر كلیپكردنی گۆرانییەكە كردووە و ئێستا سەرقاڵی نووسینی سیناریۆكەین و لە داهاتوویەكی نزیكدا كلیپی دەكەین".
خالید رەشید ماوەی زیاتر لە مانگێكە گەڕاوەتەوە شاری سلێمانی و لە دووەم رۆژی جەژنی رەمەزانیشدا لە هۆڵی تەلاری هونەر لە سلێمانی كۆنسێرتێكی ساز كرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ