سبەی مووچەی دوو مانگی خانەنشینانی یەکەی 70 دەدرێت

 

بەپێی زانیارییەکانی تۆڕی میدیایی رووداو، سبەی (یەکشەممە 21-07-2024) مووچەی مانگەکانی ئایار و حوزەریرانی ئەفسەر و پێشمەرگە خانەنشینکراوەکانی یەکەی 70ـی پێشمەرگە دابەش دەکرێت.

 

ئەو ئەفسەر و پێشمەرگانە ژمارەیان نزیکەی هەزار کەسە و یەکەمجارە بە سیستمی بانکی مووچە وەردەگرن، چونکە زۆربەیان تازە خانەنشین کراون.

 

ئەو کەسانە بەپێی یاسای خانەنشینی و بە تەمەن خانەنشین کراون، پێشتر بە دەست مووچەیان وەرگرتووە. بەپێی زانیارییەکانی رووداو، حکومەتی هەرێمی کوردستان مووچەکەی بۆ دابینکردوون.