Serokê Herêma Kurdistanê Nêçîrvan Barzanî got / Wêne: Rûdaw Grafîk
Hewlêr (Rûdaw) – Serokê Herêma Kurdistanê Nêçîrvan Barzanî got, “Em bi hev re dikarin guherîna avhewayê çareser bikin.”
Nêçîrvan Barzanî li ser vexwendina fermî ya Serokkomarê Azerbeycanê Îlham Aliyev ji bo beşdariya Konferansa Guherîna Avhewayê ya Neteweyên Yekbûyî (COP29) doh çû Bakuyê.
Serokê Herêma Kurdistanê îro li konferansê ji aliyê Serokkomarê Azerbeycanê Îlham Aliyev ve hat pêşwazîkirin.
Konferansa Guherîna Avhewayê ya Neteweyên Yekbûyî (COP29) îro dest pê kir û dê heta 22yê mehê berdewam bike.
Nêçîrvan Barzanî li ser hesabê xwe yê medyaya civakî li ser COP29ê peyamek belav kir.
Nêçîrvan Barzanî di peyama xwe de got:
“Ez kêfxweş im ku li Bakuyê beşdarî COP29ê bûm.
Ev konferansa salane ji bo me derfeteke girîng e ku em ber bi paşerojeke aramtir ve gavên bi wate bavêjin.
Em bi hev re dikarin guherîna avhewayê çareser bikin û ji bo nifşên nû gerestêrkeke saxlemtir ava bikin.”
Serokê Herêma Kurdistanê Nêçîrvan Barzanî li Bakuyê bi lîderên cîhanî re dicive
— RudawKurdi (@RudawKurdi) November 12, 2024
🛑 Konferansa Guherîna Avhewayê ya Neteweyên Yekbûyî (COP29) li Bakuya paytexta Azerbeycanê tê lidarxistin
🛑 Nêçîrvan Barzanî li ser vexwendina fermî ya Serokkomarê Azerbeycanê Îlham Aliyev doh… pic.twitter.com/zGcMI6gstB
Nêçîrvan Barzanî roja yekem a COP29ê bi gelek serkirde, serok û nûnerên cîhanî re civiya.
#FOTO - Nêçîrvan Barzanî li Bakuyê bi serok û nûnerên welatan re dicive 👇👇https://t.co/ARvHtKpeqT#COP29Baku pic.twitter.com/Z7nhuikQ7y
— RudawKurdi (@RudawKurdi) November 12, 2024
Nêçîrvan Barzanî û Sekreterê Giştî yê Neteweyên Yekbûyî Antonio Guterres bi hev re derbasî hola konferansê bûn.
Nêçîrvan Barzanî li Bakuyê bi Serokê FIFAyê Gianni Infantino re jî civiya.
Serokê Herêma Kurdistanê Nêçîrvan Barzanî li Bakuyê bi Serokê FIFAyê Gianni Infantino re jî civiya#NêçîrvanBarzanî #GianniInfantino #COP29 pic.twitter.com/6hFDDnLwVk
— RudawKurdi (@RudawKurdi) November 12, 2024
Serokê Herêma Kurdistanê bi Recep Tayyîp Erdogan û Mihemed Bin Zayd el-Neyhan re jî axivî.
Armanca sereke ya konferansê ew e ku di navbera aliyan de ji bo çareserkirina pirsgirêka guherîna avhewayê û rêgiriya germbûna gerdûnê lihevkirinek pêk were.
Tê pêşbînkirin ku Nêçîrvan Barzanî heta 15ê mehê li konferansê be.
Serokê Herêma Kurdistanê Nêçîrvan Barzanî li Bakuyê bi serok û nûnerên gelek welatan re hevdîtinan dike
— RudawKurdi (@RudawKurdi) November 12, 2024
🛑 Serokê Herêma Kurdistanê bi Recep Tayyîp Erdogan û Mihemed Bin Zayd el-Neyhan re jî axivî
🛑 Konferansa Guherîna Avhewayê ya Neteweyên Yekbûyî (COP29) li Bakuya paytexta… pic.twitter.com/SLzsx1333F
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse