Şerê Rûsya û Ukrayna dijwartir û koçberiya xelkê sivîl jî zêdetir dibe.

Li gor amarên Komîseriya Bilind a Penaberan a Neteweyên Yekbûyî (UNHCR), hêjmara koçberên ku ji Ukraynayê derketine gehiştiye 2 milyon kesan.

Li gorî amarên Neteweyên Yekbûyî ji nêvî zêdetir koçberên Ukraynayê çûne Polanda. Herwiha çûne welatên wek Macaristan, Slovakya, Moldova, Romanya, Rûsya, Belarus û welatên din ên Ewropayê.

Komseriya Bilind a Penaberan hişyariyê dide û dibêje, eger şer bi vê dijwariyê berdewam be dibe ku hejmara kesên ji Ukraynayê koçber dibin bigihije 4 milyon kesan.

Wêne: AFP-AA