ARJANTÎN - Li Buenos Aires xwepêşandanên dijî G20 berdewam in

Navenda Nûçeyan - Li Buenos Airesa paytexta Arjantînê bi hezaran kes kom bûn û dijî Lûtkeya G20 xwepêşandan kirin.

 

Beşdarvanên xwepêşandanê nûnertiya çendîn grûp û aliyên cuda yên siyasî dikirin û slogana "Nexêr Bo Lûtkeya G20" bilind kirin û hatin û beşdarbûna Serokê Amerîkayê Donald Trump û herwiha çendîn kesayetiyên din ên beşdar şermezar kirin.

 

Ji ber tedbîrên dijwar ên ewlekariyê ku ji aliyê polîs û leşkerên ser bi Wezareta Navxwe ya wî welatî hatine wergirtin, xwepêşanderan dûrî cadeya serekî ya Lûtkeya G20 xwepêşandan kirin.

 

Berê Serokê Arjantînê Mauricio Macri ragihandibû ku hikûmeta welatê wî ligel hemû sendîka û aliyên pîşeyî yên welat rêkeftiye daku di 2 rojên Lûtkeya G20 de xwepêşandan neyên kirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger