Moskow (Rûdaw) – Di çarçoveya leyîzên Kûpaya Cîhanê ya Rûsya 2018ê de, di Koma F de Meksîka bi 2 golan li hember Koreya Başûr serkeft û qonaxa pêş misoger kir.
Herdu tîmên welatên Meksîka û Koreya Başûr li yarîgeha Rostov Arenayê hatine pêşberî hev.
Di xuleka 26ê de şagirtên Juan Carlos Osorioyê penalty qezenc kirin û yarîzanê meksîkî Carlos Vela golek tomar kir û encam bû 1-0.
Di xuleka 66 a beşa duyemîn a yariyê de vê carê Javier Hernandez bi navê din Çîçarîto golek din avêt û encam bû 2-0.
Di xuleka 90+3ê de bi navê Koreya Başûr Son Heung-Min golek tomar kir û encama yariyê jî 2-1 xilas bû.
Piştî van encaman Meksîka bi 6 xalan derketina qonaxa pêş misoger kir û Koreya Başûr bê xal ma.
Îro bi şev di heman komê de dê herdu tîmên Swêd û Almanyayê werin pêşberî hev. Swêd xwediyê 3 xalan e û Almanya hêj bê xal e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse