Mîgren bandorê li binyada mejî dike

Hewlêr(Rûdaw) - Ligor lêkolînekê, nexweşiya mîgrenê di binyada mejî de, ango di strûktûr de, guhertinan pêk tîne.
 

Zanyaran bi rêya MRI (tomografî) danînberheva mejiyên kesên saxlem û yên bi nexweşiya mîgrenê çêkirin. Encama vê lêkolîna zanîngeha Kopenhagê di kovara “Neurology“ de hate weşandin.


Di encama vê danberhevê de diyar bû ku ji ber nexweşiya mîgrenê di maddeya spî ya mejî de guhertin pêk tên û ev yek jî dibe sedema pêkhatina lezyonan. Ji ber vê bandorê jî di binyada mejî de guhertin rû didin.

Li gor texmînan, li seranserê dinyayê bi giştî ji sedî 2yê mirovan bi nexweşiya mîgrenê ya kronîk dijîn. Mîgren bandorê li 7% mêran û  18% jinan dike. Digel ku hejmara mirovên bi vê nexweşiyê bilind e û êşa serî ya gellek kesan heta 72 seetan jî dikare bidome, hê jî çareseriyeke maqûl jê re nehatiye dîtin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger