Li Îzmîrê teqîn: Gelek mirî û birîndar hene

Hewlêr (Rûdaw) – Li navçeya Torbaliyê ya Îzmîrê li xwaringehekê teqînek çêbû.

Destpêkê hat ragihandin ku 5 kes mirine û 63 birîndar hene.

Parêzgarê Îzmîrê Suleyman Elban da zanîn ku xisar gihiştiye 11 avahiyên li derdorê.

Wezîrê Karên Navxwe yê Tirkiyeyê Alî Yerlîkaya paşê li ser hesabê xwe yê Xê daxuyand ku teqînê ji ber tupê metbexê rû daye. 

Li gorî daxuyaniya Yerlîkaya, di vê teqînê de 4 kes mirine û 35 birîndar hene.

Dîmenên dema teqînê ji aliyê kamerayên ewlehiyê ve hatin qeydkirin. 

Nasname diyar bûn

Li hêla din, navên 5 kesên ku di teqînê de canê xwe ji dest daye wiha ne: Dîlek B., Havîn E., Bîrgul S., Ruken Ç. û Evîn A.

Serdozgeriya Komarê ya Torbaliyê derbarê bûyerê dest bi lêpirsînê kir.

Di encama lêpirsînê de H.C.yê ku doh tupê gazê yê wê xwaringehê guherî ji aliyê cendirmeyan ve hat desteserkirin.

Li Îzmîrê teqîn: Gelek mirî û birîndar henehttps://t.co/apTOMkMj7X pic.twitter.com/aAxssIfjWN

— RudawKurdi (@RudawKurdi) June 30, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger