Hewlêr (Rûdaw) - Li bajarê Antalyayê ya Tirkiyeyê kesekî ku bi dêya xwe re nîqaş kir agir berda malê.
Vê bûyera ecêb û xerîb li navçeya Serîkê ya Antalyayê rû da.
Li Taxa Merkezê ya Serîkê li qata sêyem a avahiyeke 3 qatî şewat derket.
Li ser agahdarkirina cîranên ku dûxan dîtibû tîmên agirvemirandinê, tîmên tenduristiyê û polîsan xwe gihand herêmê.
Agir ji aliyê tîmên agirvemirandinê ve hat temirandin lê pêjgeha malê zerer dît.
Hat zanîn ku Samet O.yê 25 salî û dêya xwe ketine qirika hev û piştî ku dayîka wî ji malê derketiye, wî pêşî bi satûreyekî kel û pelên malê hûr û hêla kirine û pişt re jî agir berdaye pêjgeha malê.
Samet O. ji aliyê polîsan ve hat desteserkirin.
Ebubekir Burunsuzê şêniyê taxê ji rojnamegeran re ragihand ku Samet û dayîka xwe ketine qirika hev û ev bûyer qewimiye.
“Ma ez dê bi tenê bimînim?”
Burunsuz anî zimên, piştî ku dayîka wî ji malê derketiye Samet kel û pelên malê şikandine û got:
"Piştî ku dayîka wî ji malê derket, Samet O. got 'Ma ez dê bi tenê bimînim?' û dest bi şikandina kel û pelên malê kir.
Paşê jî ji ber ku hêrsa wî kêm nebû wî mal şewitand. Me dît ku dû ji malê bilind dibe, me agahî da tîmên agirvemirandinê."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse