Hewlêr (Rûdaw) - Li parêzgeha Enqerê ya paytexta Tirkiyê di oparasyoneke hemwext de polîsan bi ser 23 malan de girtin û bi hinceta alîkariya PKK, PYD û YPGê 20 kesên ku tê gotin biyanî ne hatin desteserkirin. Lê welat û nasnameya wan nehatiye diyarkirin.
Li Tirkiye û Bakurê Kurdistanê bi hincetên cuda girtin û desteserkirina siyasetmedarên Kurd, rojnamevan, çalakvanên sivîl, û hunermend û alîgir û berpirsên HDPê berdewam e.
Li gor agahiyan, îro 11ê Gulanê li Enqerê polîsan hemwext bi ser 23 malan de girtine û bi hinceta ‘berê di nav PYD û YPGê de kar kirine û ji bo PKKê karê rêxistinê kirine’ ji 23 kesên ku biryara desteserkirina wan heye, 20 kesên ku tê gotin biyanî ne desteser kirin.
Kesên desteserkirî bo Navenda Ewlekariyê ya Enqere hatin birin û piştî rêkar û lêpirsînên derbarê wan de bo bên dersînorkirin dê radestî Rêvebriya Koçê ya Bajêr bên kirin.
Lêgerîna bo 3 kesên din jî berdewam e. Lê nehatiye diyarkirin ka kesên hatine desteserkirin xelkê çi welatekî ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse