Erdogan yasaya rakirina parêzbendiyê erê kir

Navenda Nûçeyan – Serokomarê Tirkiyê Recep Tayyip Erdogan yasaya rakirina parêzbendiya parlamenteran îmza kir.

 

Erdogan îro sêşemî 7ê Hezîranê Erdogan yasaya hejmara 6718 a taybet bi pêdeçûn û guhertina Destûra Komara Tirkiyê bo rakirina parêzbendiya parlamenteran pesend kir û piştî îmzakirinê, ji Serokwezîrtiya Tirkiyê re şand.

 

Li ser pêşniyara Partiya Dad û Geşepêdanê (AK Partî) û bi piştgiriya Partiya Tevgera Netewperest (MHP) û Partiya Gel a Komarî, Parlamentoya Tirkiyê proje yasaya rakirina parêzbendiya parlamenteran bi 376 dengan pejirandibû.

 

Yasaya guhertinê, piştî îmzakirina Serokomarê Tirkiyê Recep Tayyip Erdogan dikeve warê cîbicîkirinê û dê piştî îmzakirina Erdogan, parêzbendî li ser wan parlamenteran bê rakirin, ku derbarê wan de dosya hatine amadekirin û ew parlamenter dê bên dadgahîkirin.

 

Li gorî medyayên Tirkiyê, herîm kêm li ser 138 parlamenteran dosya hene û 682 dosya di komisyona parlamentoyê de û 105 dosya jî li Wezareta Dadê ne ku bi giştî dike 787 dosya ku li ser parlamenteran hatine amadekirin.

 

Herwiha ji bo 51 parlamenterên Partiya Demokratîk a Geln (HDP), 408 dosya bo rakirina parêzbendiya wan hatine amadekirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger