VÎDEO – Bo çavdêriya agirbestê ji esman ve rewşa Helebê tê şopandin

Navenda Nûçeyan – Rûsya bo çavdêrîkirina agirbestê li bajarê Helebê yê Sûriyê dest bi weşana zindî li esmanê vî bajêrî kir.

 

Berdevkê Wezareta Parasdtina Rûsyayê, Îgor Konaşenkov di vê bareyê de ragihand, ji bo ku agirbest bi şêweyeke zelal birêve biçe, wan dest bi weşana zindî li bajarê Helebê kir.

 

Konaşenkov got, ku weşana zindî bi kamerayên li bejahiyê û firokeyên hewayî yên bêfirokevan tên kirin û diyar kir ku rewşa li Helebê bi rêya weşana zindî ve gav bi gav tê şopandin.

 

Konaşenkov herwiha derbarê binpêkirina agirbesta li Sûriyê de jî da xuyakirin, ku komên miyanrew ên Dijbereyê, ku Amerîka jî piştgriyê dide wan, di demên dawiyê de êrişên xwe zêde kirine û agirbestê binpê dikin.

 

Berdevkê Wezareta Parastina Rûsya li ser binpêkirina agirbestê ji aliyê hin komên Dijbereyê ve, Amerîka wek berpirsyar nîşan da.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger