Mûsil (Rûdaw)- Çekdarên rêxistina DAIŞê mizgefta Rehme ya li navçeya Badûşê li rojavayê Mûsilê teqandin. Herwiha jêkirina rihê ji aliyê zilaman ve bi yekcarî qedexe kirin.
Berpirsê Şaxa 14 ya Partiya Demokrat a Kurdistanê (PDK) li Mûsilê ji Rûdawê re ragihand: “Çekdarên DAIŞê mizgefta Rehme ya Badûşê teqandin, ji ber ku gorek di nava mizgeftê de hebû.”
Mizgefta Rehme, mezintirîn mizgeft e li navçeya Badûşê ya ku dikeve rojavayê bajarê Mûsilê.
Çavkaniyên ji nava bajarê Mûsilê ji Rûdawê re ragihandin: “Duhî li hemû mizgeftên bajarê Mûsilê di gotarên înê de, gef li wan zilaman hat xwarin ku nabe ji niha û pê de kes riha xwe jêke, ji ber ku bi gotina wan ev yek li gorî sunneta pêximber e.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse