Îran: Em DAIŞê ji xwe re tehdîd nabînin

 

 

Hewlêr (Rûdaw) – Wezîrê Parastina Îranê ragihand, rêxistina DAIŞê ji bo wî welatî tehdîd nîne.

 

Wezîrê Parastina Îranê Husên Dêhqan diyar kir ku DAIŞ nikare ewlehiya Îranê tehdîd bike û wiha got: “Em wê rêxistinê ji xwe re wek tehdîd û gef nabînin.”

 

Li gorî medyaya Îranê, Husên Dêhqan, ku li bajarê Qişmê li başûrê Îranê tevlî merasima vekirina mizgeftekê bibû, ragihand ku Îran wiqasî bihêz e ku dikare her cure liv û tevgerên DAIŞê pûç bike.

 

Dêhqan anî ziman ku sînorên Îranê baş tên parastin û got, em hemû tevgerên DAIŞê çavdêrî dikin. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger