Sine (Rûdaw) – Li Rojhilatê Kurdistanê û Îranê, mamosta neçûn ser kar û li dijî kêmbûna mûçe û hebûna ferqûcudatiyê di sîstema perwerdeya Îranê de xwepêşandan kirin.
Îro li gellek bajarên Rojhilatê Kurdistanê û Îranê mamosta neçûn ser polên dersê û li dijî kêmbûna mûçe û nebûna dadperweriyê di sîstema perwerdeya Îranê de daketin kolanan.
Mamostayên kurd li bajarên Sine, Bokan, Ciwanro, Kirmaşan, Seqiz, Merîwan û Pîranşarê nerazîbûna xwe li dijî kêmbûna mûçe anîn ziman û ji hikûmetê xwestin, daxwazên wan bicîh bîne.
Li bajarên Xurasan, Loristan, Hurmuzgan, Xûzistan, Fars Qezwînê û gellek deverên din ên Îranê jî bi hezaran mamosta ji hikûmetê xwestin, mûçeyê wan zêde bike û ferqûcudatiyê di sîstema perwerdeyê de nehêle.
Li paytext Tehranê jî, komek mamosta li der avahiya parlamentoyê kom bûn û nerazîbûna xwe anîn ziman.
Mamostayên Rojhilatê Kurdistanê û Îranê 40 roj berê hişyarî dabûn Wezareta Perwerdeyê ya Îranê ku eger mûçeyê wan neyê zêdekirin dê roja yekê Adarê (îro) xwepêşandanê bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse