Îsraîlê bersiv da Erdogan

Hewlêr (Rûdaw) - Wezareta Karên Derve ya Îsraîlê bersiv da Erdogan û got: “Aktora emperyalîst û êrişkar, Tirkiye bixwe ye."

Serokkomarê Tirkiyeyê Recep Tayîp Erdogan îro di civîna koma partiya xwe de behsa liv û tevgerên Artêşa Îsraîlê yên li Sûriyeyê kir û got:

"Divê di serî de Îsraîl hêzên ku êrişî axa Sûriyeyê û gelê wê dikin demildest dawî li van çalakiyên xwe yên êrişkar bîne.

Berovajî vê yekê dê bandora encamên giran ên ku derdikevin hole ji bo her kesî ne baş be."

Gotinên Serokkomarê Tirkiyeyê karvedanên Tel Evîvê li peyxwe anîn.

Wezareta Karên Derve ya Îsraîlê heman rojê li ser hesabê xwe yê medyaya civakî derbarê mijarê de daxuyaniyek belav kir.

"Aktora emperyalîst û êrîşkar Tirkiye bixwe ye"

Wezareta Derve ya Îsraîlê ragihand ku ew hemû daxuyaniyên Serokkomarê Tirkiyeyê red dikin û got:

"Aktora emperyalîst a êrişkar li Sûriyeyê (her wiha li Bakurê Qibrisê, Lîbya û deverên din ên Rojhilata Navîn) Tirkiye bi xwe ye û baştir e Serokkomarê Tirkiyeyê xwe ji gefên bêwate dûr bigire.

Dewleta Îsraîlê dê ji bo parastina sînorên xwe ji her gefekê re li ser tevgera xwe berdewam bike."

Israel completely rejects the Turkish president’s statement.

The aggressive imperialist actor in Syria (as well as in northern Cyprus, Libya, and other areas in the Middle East) is Turkey itself, and it is advisable for the Turkish president to avoid unnecessary threats.

The…

— Israel Foreign Ministry (@IsraelMFA) January 15, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger