Hewlêr (Rûdaw) - Hemasê ragihand ku Îsraîlê 4 xalên peymana agirbestê bin pê kirine.
Peymana agirbesta ji bo Xezeyê ya di navbera Îsraîl û Hemasê de 19ê Kanûna Paşîn hatibû îmzekirin.
Hemasê daxuyaniya nivîskî da û diyar kir ku Îsraîlê 4 xalên peymana agirbestê bin pê kirine.
Li gorî Hemasê Îsraîlê ev xal bin pê kirine:
"Vegera Filistîniyên ku ji cih û warên wan hatine kirin bi derengî hatiye xistin.
Li Xezeyê êrişên asmanî hatin kirin û gule berdan Filistîniyan.
Destûr nehat dayîn ku alavên vehewînê derbasî Xezeyê bibin.
Dereng destûr hat dayîn ku alavên tibî û derman derbasî Xezeyê bibin."
Berdevkê Lîwayên Qesamê Hemasê Ebû Ubeyde ragihandibû, ji ber ku Îsraîlê sozên peymana agirbestê bi cih neanîn, wan radestkirina dîlan a ku dê 15ê Sibatê bihata kirin bi paş paş xistiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse