Şeva 26ê Îlonê li qezaya Hemdaniyeyê ya parêzgeha Nînowayê agir bi holeke dawetê ket.

Di nava çend xulekan de zêdetirî 100 kesî canê xwe ji dest da û bi sedan kes jî birîndar bûn.

Kolanên Hemdaniyeyê bi pankartên spî yên ku navên qurbaniyan li ser hatine nivîsandin hatin dagirtin.

Bi wê karesatê re, li seranserê Îraq û Herêma Kurdistanê şîn hate ragihand.

Heta niha li ser hejmara miriyan amareke rast nîne lê tê îdiakirin ku zêdetirî 100 kesî canê xwe ji dest daye ku piraniya wan jin û zarok in.

Li ser yek ji wan pankartên spî yên qurbaniyan wiha hatiye nivîsandin:

“Eşîra El Şitû, bi dilekî xemgîn ji bo mirina Refîd Hanah Mecîd Şîrtu û her 2 keçên wî Meryem û Mîrnayê, sersaxiyê ji malbatê re dixwaze.

Em bejna xwe li ber ciwanî û bedewiya wan ditewînin.”

Ev tenê yek ji wan mînakan e û kolanên Hemdaniyeyê bi van pankartan tije ye.