Navenda Nûçeyan - Li Bakurê Kurdistanê, bajarê Semsûrê welatiyê bi navê Ferîde Ozdemîr a 80 salî û neviyê wê yê 14 salî Onur Ozdemîr ji ber dûmana ku ji sobeyê derketiye jiyana xwe ji dest dan.
Bûyer îro li gundê Beloren ê ser bi Semsûr a Bakurê Kurdistanê qewimî.
Şêniyên malê ji bo ku Ferîde Ozdemîr şiyar bikin ketine odê, lê belê dîtine ku Ferîde Ozdemîr û neviyên wê bê tevger in, li ser vê yekê gazî ambulansê kirine û alîkarî xwestine.
Piştî ku ekîbên tendirustiyê hatine, diyar kirine ku Ferîde Ozdemîr ji ber gaza karbonmonoksît a ku ji sobeyê derketiyê, jiyana xwe ji dest daye.
Her du birayên bi navên Onur û Alî Ozdemîr rakirine Nexweşxaneya Dewletê ya Golbaşiyê. Li nexweşxaneyê tevî hemû hewldanan Onur Ozdemîr jî jiyana xwe ji dest daye.
Rewşa birayê wî Alî Ozdemîr jî giran e û ew sewqî Nexweşxaneya Perwedehî û Lêkolînan a Adîyamanê kirine.
Termên qurbaniyan, ji bo otopsiyê rakirine morgê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse