Pêşmerge pişta xwe bi kaş û bilindahiyan girê dide

Dihok (Rûdaw)- Li piraniya navçeyên şerê li dijî DAIŞê, kaş û bilindahiyên wan deveran di destê Hêzên Pêşmerge de ne û pişta xwe bi wan girê didin.

Ji ber ku ew cihên bilind di destê Pêşmerge de ne, eniyên şer û dever bi temamî dikevin bi kontrola Pêşmerge de û tevgera çekdarên DAIŞê hatiye sînordarkirin.

Fermandarê Pêşmerge, Emîd telet Zirarî ji Rûdawê re got: “Niha ji ber ku ev çiya di destê me de ye, rêya Hewlêr – Mûsil û Hewlêr – Dihokê di bin kontrola me de ne.”

Ji ber ku li gorî zanista leşkerî, bilindahî xwe li ser cihên nizim feriz dikin û dijmin bêhêz dibe.

Şareza dibêjin, ew hêza ku di şer de kaş û cihên bilind di destê wî de ye, dikare rê li pêşiya her êrişekê bigire ji ber ku cegrofya teknîka şer diyar dike.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger