Çewlîg - Ga otobus rawestand û êrişî şofêr kir

Hewlêr (Rûdaw) - Li parêzgeha Çewlîgê ya Bakurê Kurdistanê, gayekî li ser rêya sereke otobusa rêwiyan rawestand û êrişî şofêr kir. Şofêr bi zorê xwe ji êrişa ga xelas kir.

Li ser rêya Çewlîg û navçeya Dara Hênê otobusa rêwiyan a ku Mahmut Burkuk diajot ji ber gayê li ser rê ji neçarî rawestiya.

Şofêr Mahmut Burkuk rahişte darekî û ji otobusê peya bû da ku ga ji rê bide alî lê ga paş de gav neavêt û êrişî şofêr kir.

Mahmut Burkuk paş de reviya û bi zehmetî xwe ji êrişa ga rizgar kir û xwe avête nav otobusê û yekser derî girt.

Piştî bûyerê şofêrê otobusê rêya xwe berdewam kir.

Dîmenên dema bûyerê ji aliyê kamerayên otobusê ve hatin tomarkirin û li ser medyayê hatin belavkirin.

#VÎDEO - Werin li şerê ga û şofêr temaşe bikin

📌 Ev der Bakurê Kurdistanê, ser rêya Çewlîg û Dara Hênê ye

📌 Ajokar radije darê xwe û diçe gayê li ser rê lê ji nişkê ve bi hesta "gaveke mêraniyê jî rev e" dihese û zorê dide lingan pic.twitter.com/LqmdPTLxhD

— RudawKurdi (@RudawKurdi) April 24, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger