Şandeyeke DEM Partiyê li Rojavayê Kurdistanê ye

Hewlêr (Rûdaw) – Şandeyeke DEM Partiyê ji bo çend hevdîtinan û beşdarî Konferansa Neteweyî bibe li Rojavayê Kurdistanê ye.

Şandeyeke ku ji Hevserokê Partiya Herêmên Demokratîk (DBP) Keskîn Bayindir û çend parlamenterên Partiya Gelan a Wekhevî û Demokrasiyê (DEM Partî) pêk tê çû serdana Rojavayê Kurdistanê.

DEM Partiyê li ser hesabê xwe yê medyaya civakî ragihand, şandeyeke wan a ku ji Hevserokê Partiya Herêmên Demokratîk (DBP) Keskîn Bayindir, Endamê Encûmena Birêvebiriyê Navendî (MYK) ya partiyê  Serhat Eren û Parlamenterên DEM Partiyê Salîha Aydenîz, Gulcan Kaçmaz Sayyîgît û Mehmet Kamaç pêk tê çû Rojavayê Kurdistanê.

DEM Partiyê diyar kir ku şandeya wan ji Deriyê Sînorî yê Sêmalkayê derbasî Rojavayê Kurdistanê bûye.

Şande dê di serdana xwe de çend pêwendiyan bi aliyan re bike û beşdarî Konferansa Neteweyî bibe.

Fermandarê Giştî yê Hêzên Sûriyeya Demokratîk (HSD) Mezlûm Ebdî 22yê Nîsanê ragihand ku “Konferansa Neteweyî ya Yekîtî û Helwesta Kurdan” a aliyên siyasî yên Rojavayê Kurdistanê dê 26ê Nîsana 2025an were lidarxistin.

Encûmena Niştimanî ya Kurdî ya Sûriyeyê (ENKS) û Partiyên Yekîtiya Neteweyî ya Kurd (PYNK) ku Partiya Yekîtiya Demokratîk (PYD) di nava wê de ye pêşengiyê dikin.

ENKSyê konferans wekî gaveke girîng a ku daxwazên gelê Rojavayê Kurdistanê nîşan dide û mafeke siyasî ye bi nav kir.

DBP Eş Genel Başkanı Keskin Bayındır, MYK Üyemiz Serhat Eren, Milletvekillerimiz Saliha Aydeniz, Gülcan Kaçmaz Sayyiğit ve Mehmet Kamaç'tan oluşan heyetimiz Kuzey ve Doğu Suriye'ye geçti.

Peşxabûr (Sêmalkan) Sınır Kapısı üzerinden bölgeye geçen heyetimiz çeşitli temaslarda… pic.twitter.com/ImC5mOc6P9

— DEM Parti (@DEMGenelMerkezi) April 24, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger