Nêçîrvan Barzanî Parêzgarê Besrayê Esed El Îdanî qebûl kir

Hewlêr (Rûdaw) – Serokê Herêma Kurdistanê Nêçîrvan Barzanî bi Parêzgarê Besrayê Esed El Îdanî re civiya.

Li gorî daxuyaniya Serokatiya Herêma Kurdistanê di hevdîtinê de pêşxistina pêwendî û hevkariya di navbera parêzgehên Herêma Kurdistanê û parêzgeha Besrayê hat nirxandin û her du aliyan tekezî li ser kûrkirina hevahengiyê di navbera parêzgehên Îraqê de kirin.

Di daxuyaniyê de hat diyarkirin ku Esed El Îdanî pesnê pêşketin û geşbûna Herêma Kurdistanê daye.

Esed El-Îdanî ragihand: "Em li hêviya xurtkirina hevkariya hevbeş in û di warên birêvebirinê, plansazî û xizmetguzariyan de dixwazin ji tecrûbeya Kurdistanê sûde wergirin. " 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger