Hewlêr (Rûdaw) - Li parêzgeha Amedê ya Bakurê Kurdistanê, polîsan şkence li zarokekî 17 salî kir.
Li gorî agahiyan, doh berê êvarî Efecan E. û du hevalên wî li Cadeya Firatê bi otomobîlê li polîsên bimotorsîklet xist.
Di bûyerê de polîsek bi sivikî birîndar bû.
Efecan E. û hevalên wî ji ber ku tirsiyan ji cihê bûyerê reviyan.
Polîsan piştre Efecan E. û zarokekî din desteser kirin û ew birin Şaxa Zarokan a Rêveberiya Ewlehiyê ya Amedê.
Polîsan di otomobîla desteserkirinê de şkence li Efecan E. kir û bi copan serê wî şikand.
Serê Efecan bi sê cihan şikest û ew li Nexweşxaneya Selahattîn Eyyubiyê hat dermankirin.
Li hêla din, eger heye ku xwîn here ser mêjiyê wî û di bin çavdêriya bijîşkan de ye.
Parêzgariyê daxuyanî da
Parêzgariya Amedê piştî ku bûyer derket holê daxuyaniyek da.
Parêzgariyê detsnîşan kir, “çend birînên Efecan ên biçûk û sivik hene” û da zanîn ku derbarê bûyerê de lêpirsîna dadî û îdarî hatiye destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse