Emmar Hekim
Silêmanî (Rûdaw) - Şandeke bilind a Hevpeymaniya Niştimanî bi serokatiya Emmar Hekîm bi armanca beşdarbûna li rêûresmên veşartina termê Newşîrwan Mistefa gihîşt Silêmaniyê û beşdarî wê rêûresmê bû.
Nûçegihana Rûdawê ji balafirxaneya navdewletî ya Silêmaniyê ragihand ku şandeke bilind a Hevpeymana Niştimanî ya Şîeyan bi serokatiya Emmar Hekîm gihîşt Silêmaniyê û ji aliyê cîgirê serokê parlemena Iraqê Aram Şêx Mihemed û Wezîrê Koç û Koçberiyê ya Iraqê Derbaz Mihemed û her wiha hejmareke parlementer û berpirsên Goran ve hatiye pêşwazîkirin.
Li Balafirxaneya Navdewletî ya Silêmaniyê Emmar Hekîm li ser koça dawiyê ya Newşîrwan Mistefa diltengiya xwe anî ziman û ragihand ku ew Tevgera Goran di asta Herêma Kurdistanê û Iraqê de weke hêzeke bandor û girîng dibînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse