Agirî - Ciwanên Kurd bi meşaleyan ber bi gora Ehmedê Xanî ve meşiyan

Hewlêr (Rûdaw) - Platforma Ciwanên Serbixwe li navçeya Bazîdê ya Agiriyê li ber goristana Ehmedê Xanî şahiyeke Newroz saz kir.
Pîrozbahiyên Newrozê li her 4 parçeyên Kurdistanê berdewam dikin.

Li bajarê Agiriyê yê Bakurê Kurdistanê komeke ciwanên Kurd a bi navê “Platforma Ciwanên Serbixwe” îro êvarê li bajarê Bazîdê li kêleka Qesra Îshaq Paşa û gora Ehmedê Xanê ahengeke Newrozê saz kir.

Di dîmenan de tê dîtin ku bi dehan ciwanan bi meşalayan ji Qesra Îshaq Paşa û Gora Ehmedê Xanê ber bi Çiyayên Agiriyê dimeşin, sirûdên Kurdî dixwînin, sloganên bijî Kurdistan berz dikin.

Ji ber meha Remezanê û rewşa keşûhewayê pîrozbahiyên Newrozê îsal li gelek bajar û bajarokên Kurdistanê zû dest pê kirin.

Platforma Ciwanên Serbixwe li navçeya Bazîdê ya Agiriyê ji bo pîrozbahiya #Newroz`ê bi meşaleyan ber bi gora #EhmedêXanî ve meşiyan pic.twitter.com/bmlDD72SRG

— RudawKurdi (@RudawKurdi) March 20, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger