Hewlêr (Rûdaw) - Li navçeya Tortimê ya parêzgeha Erziromê ya Bakurê Kurdistanê, şeva borî otomobîlek wergeriya.
Di encamê de 2 kesan canê xwe ji dest da, 3 kes jî birîndar bûn.
Li gorî zanyariyan, li ser rêya navçeyên Tortim û Azortê otomobîla ku şofêrê wê M.A. bû ji rê derket û wergeriya newalê.
Di encama bûyerê de şofêr M.A., û kesên bi navê Y.K, M.B, M.K. û Y.O.Y. birîndar bûn.
Li ser agahdarkirinê tîmên tenduristiyê û cendirme çûn cihê bûyerê.
Tîmên tenduristiyê birîndar veguhastin Nexweşxaneya Dewletê ya Azortê û nexweşxaneyên cuda yên bajêr.
M.A. û Y.O.Y. tevî midaxeleyan jî li nexweşaneyê canê xwe ji dest da.
Tedawiya her sê birîndarên din berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse